اسئله ترفع الضغط...!!

من طرف **đм3ħ** الخميس يوليو 23, 2009 4:24 pm

أسئله ترفع الضغط

مثلا :-

انت الحين بغرفتك منسدح بفراشك ومطفي النور فجأه يخش عليك
اخوك او اختك ويفتح الباب ويقولك بتنام ؟!! (لا برقص - اكيد بنام !!) اسئله ترفع الضغط...!! Smile_baringteeth

---------
انت لابس وكاشخ وقاعد تمشي بالبيت متجه للباب .. فجأه يشوفك واحد من اهلك
ويصرخ عليك ويقول بصوت عالي :- (هااا بتطلع !! (لا بجرب الباب زين ولا لا
الصراحه سؤال خطير !! اسئله ترفع الضغط...!! Smile_angry

----------
انت قاعد بغرفتك وماسك الكتاب قاعد تدرس .. يخش عليك واحد من اهلك يقولك
(هاا قاعد تدرس !! (لا افرش اسناني !! يعني ماسك الكتاب شسوي اكيد ادرس) اسئله ترفع الضغط...!! Smile_nerd

-----------
انت الحين بالكافيه صدفه شفت واحد من الربع او الاهل .. قالك هاا شتسوي هني !!
(ابيع مويه) !! لا تعليق اسئله ترفع الضغط...!! Smile_wink

--------------------
لا وتعالو شوفو قنواتنا العجيبه اهما واسئلتهم !!

مثلا بالعيد بيقابلون واحد من الناس شوفو الحوار :-

المذيع :- مرحبا عرفنا على أسمك ؟

المواطن :- فلان الفلاني . . . . .

المذيع :- شنو تقول لأهلك بالعيد ؟ ! ! !

المواطن :- أقولهم كل عام وأنتم بخير . .

(( لا بيقول لهم : منه المال ومنها العيال))

يعني السؤال تحفه والمذيع ومعد البرنامج اتحف على هالسؤال
------------------------
والأسخف من هالبديهيات اللي تضيع وقتنا إذا قابلو الاطفال , , ,